សៀមរាប៖ មន្ទីរពេទ្យជ័យវរ្ម័នទី៧ (គន្ធបុប្ផាទី៣) ខេត្តសៀមរាប បានធ្វើការឆ្លុះចាប់កាក់ចេញពីបំពង់អាហារ និងម្ចុលចេញពីក្រពះលើកុមារពីរនាក់ កាលពីថ្ងៃទី៤ ខែមករា ឆ្នាំ២០២២។
ករណីទី១ គឺជាកុមារា អាយុ ៣ឆ្នាំ មកពីស្រុកសៀមប៉ាង ខេត្តស្ទឹងត្រែង បានចូលមកសម្រាក នៅអគារសង្រ្គោះបន្ទាន់ទី២ ដោយសារបានលេបកាក់ចូលក្នុងបំពង់អាហាររយះពេល ៣ខែមកហើយ ហើយដោយសារឪពុកម្តាយរបស់កុមាររូបពុំមានលទ្ធភាពធ្វើដំណើរ ទើបធ្វើឲ្យគាត់មានការយឺតយ៉ាវក្នុងការមកទទួលការព្យាបាល។
ករណីទី២ គឺជាកុមារា អាយុ ១១ខែ មកពីស្រុកពួក ខេត្តសៀមរាប បានចូលមកសម្រាក នៅអគារសង្រ្គោះបន្ទាន់ទី១ ដោយសារបានលេបម្ជុលចូលក្នុងក្រពះរយះពេល ១២ម៉ោង។
មន្ទីរពេទ្យបញ្ជាក់ថាការព្យាបាលទាំងអស់គឺមិនគិតថ្លៃសំរាប់មនុស្សទាំងអស់ដោយគ្មានការរើសអើង និងសូមអរគុណចំពោះការគាំទ្រ និងការបរិច្ចាគពីសប្បុរសជនទាំងអស់ដែលភាគច្រើនជា ប្រជាជនស្វីស និង ប្រជាជនកម្ពុជាដល់មូលនិធិគន្ធបុប្ផាប្រទេសស្វីសនិងមូលនិធិគន្ធបុប្ផាកម្ពុជា៕
